ដោយ៖ ញឹម សុខន
ថ្ងៃចន្ទ ទី6 ខែមករា ឆ្នាំ2014http://vodhotnews.com
សកម្មជនដីធ្លីទាំង៥នាក់ ត្រូវបានដោះលែងឲ្យមានសេរីភាពបន្ទាប់ពី មានការចាប់ខ្លួនកាលពីព្រឹកមិញ នៅមុខស្ថានទូតបារាំងប្រចាំនៅកម្ពុជា (រូបថតដោយ តាត ឧត្តម)
ប្រជាសហគមន៍តំបន់បឹងកក់ជាស្ត្រីចំនួន ៥នាក់ ត្រូវបានដោះលែងវិញហើយនៅរសៀលថ្ងៃចន្ទនេះ បន្ទាប់ពីមានការអន្តរាគមន៍ពីមន្ត្រីសិទ្ធិមនុស្សអង្គការសហប្រជាជាតិប្រចាំនៅកម្ពុជា។
មូលហេតុនៃការដោះលែងនេះ មិនទាន់ត្រូវបានទម្លាយឲ្យដឹងនៅឡើយទេ។
កាលពីព្រឹកថ្ងៃចន្ទ សមត្ថកិច្ច បានចាប់ខ្លួនប្រជាសហគន៍បឹងកក់៥នាក់ នៅពេលដែលអ្នកទាំងនោះទៅប្រមូលផ្តុំនៅមុខស្ថានទូតបារាំងប្រចាំ រាជធានីភ្នំពេញ ដើម្បីជំរុញឲ្យមានការដោះលែងសកម្មជនសិទ្ធិមនុស្ស ដែលត្រូវបានចាប់ខ្លួនកាលពីថ្ងៃទី០២ខែមករា។
ប្រជាសហគមន៍នៅតំបន់បឹងកក់ ទាំង៥នាក់នោះ រួមមាន អ្នកស្រី ទេព វន្នី អ្នកស្រី យ៉ោម បុប្ផា អ្នកស្រី បូឆវី អ្នកស្រី ផាន់ ឈុនរ៉េត និងអ្នកស្រី សុង ស្រីលាភ៕
សរសេរមកកាន់ លោក ញឹម សុខន តាមរយៈsokhorn@vodhotnews.com